+7 (777) 001 44 99
Қазақша
Русский
English
Мәжіліс депутаты Айдос Сарым "Жаңа Қазақстан" депутаттық тобы Мәжілісте немен айналысатынын түсіндірді, - деп хабарлайды Tengrinews.kz тілшісі.
"Бөлек партия құру міндеті жоқ. Nur Otan-ды өзгерту керек, ол ауыл-ауылға дейін филиалы бар алып партия. Бұл үлкен күш, егер оған жаңа динамика берсе, жаңа адамдарды әкелсе және Тоқаев айтқандай, оны мемлекеттік аппараттан ажыратып, мемлекеттік аппаратты алмастырмайтынына көз жеткізсек, содан кейін ол басқа партия болады. Мен мұны партиялық сепаратизм немесе басқа нәрсе жасау әрекеті деп санамаймын. Бізде ондай мақсат жоқ", - деп пікір білдірді Сарым журналистердің сауалдарына жауап беріп.
Депутаттың айтуынша, "Жаңа Қазақстан" тобының негізгі міндеті – Мәжілістің функциялары мен мүмкіндіктерін кеңейту. Топ мүшелері атқарушы билікпен қарым-қатынаста Мәжілістің өкілеттігін күшейтуді көздеп отыр.
"Қазір кез келген депутат кез келген бастама көтере алады делік. Үкіметтен қолдау болмаса, ол автоматты түрде өтпейді. Бұл бапты өзгерту керек. Конституциялық заңда қандай да бір бастама теріс қорытынды алса, ол үкіметте қабылданбайды деген норма бар. Мұны өзгерту керек", - деп қосты Айдос Сарым.
Айта кетейік, Мәжілісте Мемлекет басшысы Қасым-Жомарт Тоқаевтың тапсырмаларының орындалуын бақылайтын "Жаңа Қазақстан" депутаттық тобы құрылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
