+7 (777) 001 44 99
Қазақша
Русский
English
Павлодар әкімдігінің өкілдері қала әкімі Әнуар Күмпекеевтің қанша жалақы алатынын айтты, - деп хабарлайды Tengrinews.kz тілшісі.
Әкімдіктегілердің мәліметінше, қала басшысының жалақысы - 462 245 теңге. Осылайша оның бір жылғы орташа табысы 5 миллион 546 мың 940 теңгеге жетеді екен. Сондай-ақ, Павлодар әкімінің салықтың барлығын уақтылы төлейтіні айтылады. Әнуар Күмпекеев 1 жылда қазынаға 1 019 976 теңге төлейді.
"Қала әкімінің жалақысы ай сайынғы қажеттіліктеріне жетеді. Жалақысы жеткілікті", - делінген Павлодар әкімдігі өкілдерінің жауабында.
Мұның алдында Көкшетау әкімі Ермек Маржықпаевтың қанша жалақы алатыны айтылған еді. Редакцияның ресми сауалына берілген жауапта Көкшетау әкімінің ай сайынғы жалақысы 451 627 теңге екені жазылған болатын.
Кейінірек Қарағанды облысы әкімінің жалақысы айтылған еді. Ерлан Қошанов 967 мың 672 теңге жалақы алады екен.
