+7 (777) 001 44 99
Қазақша
Русский
English
Павлодар облысында жеке тұрғын үйдегі өрттен 64 жастағы ер адам мен 6 жасар бала қаза тапты. Уланған тағы бір бала ауруханаға жеткізілді, - деп хабарлайды Tengrinews.kz тілшісі ТЖД баспасөз қызметіне сілтеме жасап.
Ведомство мәліметінше, 19 желтоқсанда сағат 23.13 кезінде құтқару қызметіне өрт туралы хабар түскен.
Тереңкөл ауданы Тереңкөл ауылы Елгин көшесі, 16 мекенжайында бір қабатты қамыстан салынған үйде өрт тұтанған. Жалын шамамен 64 шаршы метр аумақты шарпып, шатыр жартылай құлап қалған.
Өрт сөндіру бөлімі келгенге дейін 2019 жылы туған қызды көршісі құтқарып үлгерген.
Ол ауруханаға жатқызылды. Бала көміртегі тотығынан уланған, оң қабағы және бетінің сол жағы бірінші дәрежелі термиялық күйік алған.
Барлау кезінде үйіндінің астынан 1958 жылы туған ер адам мен 2016 жылы туған баланың күйген денесі табылды.
Өрт 20 желтоқсан сағат 01.47 шамасында толық сөндірілді.
Тілсіз жаумен күреске барлығы 8 қызметкер және 3 техника жұмылдырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
