+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Таяуда Павлодарда болған жағдайға байланысты облыстық Мәдениет, мұрағаттар және құжаттама басқармасы Төреғали Төреәліні өңірде өтетін ресми іс-шараларға шақыртудан бас тарту туралы шешім шығарды, - деп pavlodarnews.kz тілшісі.
Таяуда Павлодарда болған жағдайға байланысты облыстық Мәдениет, мұрағаттар және құжаттама басқармасы Төреғали Төреәліні өңірде өтетін ресми іс-шараларға шақыртудан бас тарту туралы шешім шығарды, - деп pavlodarnews.kz тілшісі.
Ведомствода 21 желтоқсанда Естай атындағы қалалық мәдениет сарайында өткен концерттегі Төреғали Төреәлінің мінез-құлқы орынсыз деп танылды. Сондықтан шенеуніктер жуық арада әншімен байланыс орнатпайды екен.
"Біз Павлодардағы әр мерекеде қазақстандық эстрада жұлдыздарының өнер көрсетуіне мүмкіндік беріп, жиі ресми шақыртулар жіберіп тұрамыз, - деп хабарлады облыстық мәдениет басқармасы. - Сөз жоқ, біз облысымызда жеке ұйымдастырушылардың тарапынан өтетін коммерциялық концерттерге бақылау жүргізе алмаймыз. Ал мемлекеттік мекемелер өткізетін салтанатты шараларға Төреғали Төреәлі шақырылмайтын болады".
Бірнеше күннен бері әлеуметтік желіде Төреғали Төреәлінің бір көрерменмен әдепсіз түрде сөйлескен видеосы талқыланып жатыр.
Казнет қолданушыларының пікірінше, әртіс өз аудиториясына сыйластық танытпаған. Шу көтерілгеннен кейін ол Instagram арқылы тікелей эфирде тыңдармандарына мән-жайды түсіндіруге тырысты. Ол залдағы белгілі бір азаматтың айғайы арқылы намысына тигендігін жеткізіп, болған жағдай үшін кешірім сұрады. Сонымен қатар, Төреәлі болашақта ол азаматты жолықтыратын болса, кешірім сұрайтындығына уәде берген еді.
