Павлодар тұрғыны жұмыртқа лақтырып ластаған Абай ескерткішін жуды

Видеодан алынған кадр

Абай Құнанбаевтың ескерткішіне жұмыртқа лақтырған павлодарлық бұзақылық жасағаны үшін видеода кешірім сұрады, кейін ластаған жерін тазалады, - деп хабарлайды Tengrinews.kz тілшісі.

Абай Құнанбаевтың ескерткішіне жұмыртқа лақтырған павлодарлық бұзақылық жасағаны үшін видеода кешірім сұрады, кейін ластаған жерін тазалады, - деп хабарлайды Tengrinews.kz тілшісі.

Жалғасы

■

Абай ескерткішіне жұмыртқа лақтырған павлодарлық 7 тәулікке қамалды

22 мамыр 2021, 18:26

Instagram-да жарияланған видеода жігіт қолына шелек пен шүберек алып тұғырды жуғанын көруге болады.

"Кеше қателесіп, Абай Құнанбаевтың ескерткішіне жұмыртқа лақтырдым. Кінәмді өтеу үшін ескерткішті өз еркіммен жууды ұйғардым. Павлодар мен Павлодар облысының барлық тұрғынынан кешірім сұраймын. Мұндай қателік жасамаңыздар", - дейді жігіт.

Еске салайық, 21 жастағы павлодарлық облыс әкімдігі маңында орнатылған Абай ескерткішіне жұмыртқа мен дәретхана қағазын лақтырған болатын. Ол мұны құрбысымен жанжалдасып қалғаннан кейін ашуға беріліп жасағанын айтты. Жігіт сол кезде мас болғанын мойындады.