+7 (777) 001 44 99
Қазақша
Русский
English
Павлодарлық дәрігерлер дәріден уланған 3 жасар баланың жағдайын айтты. Мәлімет бойынша, фармацевт дәрілерді шатастырып антибиотиктің орнына антидепрессант берген. Қазір зардап шеккен сәби ауруханадан шығарылды, - деп хабарлайды Tengrinews.kz тілшісі.
Оқиғаның мән-жайы туралы Павлодар облысының денсаулық сақтау басқармасы айтты.
"Анасының айтуы бойынша, балаға "амитриптилин" 25 мг таблетка берген. 11 наурыз күні 1 таблетка, кешке сағат 23:00-де 2 таблетка және 12 наурыз күні таңертең 3 таблетка ішкен. Кешке қарай бала әлсіреп, ұйықтай берген, құсу және құрысу белгілері байқалмады. Ауруханаға түскен кезде интоксикацияға байланысты жағдайы орташа ауыр болды. Қабылдау бөлімшесінде асқазанды шаю жүргізілді", – дейді басқармада.
Бөлімше баланың үш таблетка ішкенін атап өтті. 12 наурыз күні кешке нәресте енжар, ұйқышыл болған, бірақ құсу, тырысулар болмаған. Бұған алаңдаған ата-ана жедел жәрдем шақырған.
"Бала дәріні қабылдағаннан кейін жағдайы орташа ауырлықта болды. Жедел жәрдем бөлмесінде асқазанын шаюдан өтті, содан кейін ауруханаға жатқызылды. Барлық қажетті емдеу-диагностикалық шаралар жүргізілді. Сәбидің жағдайы жақсарды", - деді Денсаулық сақтау басқармасы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
