+7 (777) 001 44 99
Қазақша
Русский
English
Вакцинация паспортын сатып алған Павлодар қаласының тұрғыны жансақтау бөлімне түсті. Бұл туралы Павлодар облысының Денсаулық сақтау басқармасында өткен брифингте айтылды, - деп хабарлайды Tengrinews.kz тілшісі қалалық Мемлекеттік кірістер департаментіне сілтеме жасап.
Дәрігерлердің айтуынша, 61 жастағы әйел Павлодар кардиологиялық орталығында жатыр. Сауалнама кезінде пневмониямен ауыратын науқас дәрігерлерге COVID-19 вакцинасын алмағанын мойындаған.
"Павлодар қаласының тұрғыны мен оның туыстары вакцинация паспортын сатып алынғанын мойындады. Әйел жалған төлқұжат алғанына өкінді", - дейді Павлодар облысы Денсаулық сақтау басқармасының бастығы Ардақ Сейітқазинов.
Қала тұрғынының айтуынша, ол жалған екпе төлқұжатын Павлодар облысынан алмаған.
"Асқыну себебін түсіну үшін науқастардың вакцина алған-алмағанын сұраймыз. Бұл жағдайда біреуді әшкерелеу мақсат болған жоқ. Бірақ, бұл - факт. Науқас реанимацияға жатқызылды және қазір ауыр халде жатыр, жасанды тыныс алу аппаратына қосылған", - деді Сейітқазинов.
Облыстық денсаулық сақтау басқармасы мәліметінше, қазір облыстың инфекциялық-диспансерлік бөлімде 115 адам бар. Тамыздың басынан бері 47 науқас қайтыс болған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
