+7 (777) 001 44 99
Қазақша
Русский
English
26 қыркүйек 2019 | 18:08
Павлодарда көпір жүк көлігіне құлады: жүргізуші жазаланды
Павлодар облысында опырылған көпірдің астында қалған жүк көлігінің жүргізушісі жауапкершілікке тартылды, - деп хабарлайды Tengrinews.kz тілшісі.
ПОДЕЛИТЬСЯ
Павлодар облысында опырылған көпірдің астында қалған жүк көлігінің жүргізушісі жауапкершілікке тартылды, - деп хабарлайды Tengrinews.kz тілшісі.
Ақсу қалалық соты жүк көлігінің жүргізушісін кінәлі деп тауып, айыппұл төлеуге міндеттеді.
"Сот қаулысымен ҚР Әкімшілік құқық бұзушылық туралы кодексінің 610-бабы, 1-бөлігі бойынша әкімшілік құқық бұзушылық жасағаны үшін жүргізушіге 20 айлық есептік көрсеткіш (50 500 теңге) мөлшерінде айыппұл салынды", - деді Павлодар облыстық сотының баспасөз қызметінің өкілі Әнел Құсанова. Шығын мөлшері әзірге айтылған жоқ.
Баспасөз қызметі өкілдерінің мәліметінше, жүргізуші салынып жатқан көпір астына құм төгіп, кузовты соңына дейін түсірмей қозғалып кеткен.
"Қозғалыс қауіпсіздігіне көз жеткізбей, жүргізуші көпір тірегімен соқтығысқан, соның салдарынан көпір қирап, материалдық шығын келтірген", - деп атап өтті Құсанова.
Сонымен қатар, жүргізуші әкімшілік құқық бұзушылық туралы кінәні мойындамады. Сотта ер адам өз дәлелдерін айтты, бірақ сот оларды жеткіліксіз деп санады.
Оқиға 23 тамызда Павлодар - Қызылжар тасжолында болған. Көпір жүк көлігінің үстіне құлаған.
Показать комментарии
Читайте также
