+7 (777) 001 44 99
Қазақша
Русский
English
Павлодарда ауқымды дезинфекция жұмыстары жүрзілуіне байланысты қала тұрғындарына үйден шықпауға кеңес берілді, деп хабарлайды Tengrinews.kz тілшісі pavlodarnews.kz сайтына сілтеме жасап.
Павлодар қаласы әкімдігінің хабарлауынша, кеше ауқымды дезинфекция қаланың солтүстік бөлігінде жүргізілген. Ал бүгін шаһардың оңтүстік бөлігі қамтылып отыр.
"Жұмыс күні бойы жүргізіледі. Дезинфекция Назарбаев даңғылы мен Торайғыров - Нұрмағамбетов - Қамзин көшелерінің аумағында жүргізіледі, Толстой көшесі де қамтылады. Қала тұрғындарын себепсіз үйден шықпауды сұраймыз", - дейді қалалық әкімдіктің қызметкерлері.
Қала әкімдігінің мәліметінше, дезинфекцияға 140 маман жұмылдырылған. Бұл жұмыстарды жүргізу үшін 6 тонна натрий гипохлориті дайындалған.
Айта кетейік, елімізде коронавирусты жұқтыру өсімі жоғары 5 қалада карантин режимі күшейтілді. Тізімге Павлодар мен Екібастұз қалалары кірді. Ал демалыс күндері ауқымды дезинфекция жұмыстары жүргізілді.
Павлодар облысында 469 адам COVID-19 вирусын жұқтырды. 230 науқас дертінен айықты, 13 адам аурудан қайтыс болды.
