+7 (777) 001 44 99
Қазақша
Русский
English
Петропавлда 39 жастағы әйел басқа қалаға жұмысқа кеткен қызының сәбиінен бас тартып, 3 айлық баланы полиция инспекторына ұстатып жіберген, - деп хабарлайды Tengrinews.kz тілшісі Polisia.kz-ға сілтеме жасап.
Басылым мәліметінше, 15 қарашада Петропавл қалалық ІІБ ювеналды полиция бөліміне қорғаншылық бөлімінен 39 жастағы әйелдің 3 айлық немересінің тағдырын шешуге көмек сұрағаны туралы хабарлама келіп түскен.
Хабарламада қазанның соңында баланың 18 жастағы анасы басқа қалаға жұмысқа кетіп, қайтып оралмағаны айтылған. Ал 39 жастағы әжесі мемлекеттік органдардан баланы өзінен алып кетуді сұраған.
"Аталған мекенжайға барған ювеналды полиция бөлімінің қызметкерлері акт жасап, баланы облыстық көпсалалы балалар ауруханасына жатқызды.
Қазір полицейлер баланың анасының қайда екенін анықтап жатыр. Ал анаға қатысты ата-аналық міндеттерін орындамау мәселесі бойынша комиссия қарауымен әкімшілік шара қолданылатын болады", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
