+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Петропавл тұрғындары апат жағдайында тұрған көпірдің жөндеу жұмыстарына наразылық көрсетті. Куәгерлер жарылған жерлерді жамайтын картон қағаздарын видеоға түсіріп алған, оның үстіне асфальт төселген, - деп хабарлайды Tengrinews.kz тілшісі "Астана" телеарнасына сілтеме жасап.
Петропавл тұрғындары апат жағдайында тұрған көпірдің жөндеу жұмыстарына наразылық көрсетті. Куәгерлер жарылған жерлерді жамайтын картон қағаздарын видеоға түсіріп алған, оның үстіне асфальт төселген, - деп хабарлайды Tengrinews.kz тілшісі "Астана" телеарнасына сілтеме жасап.
Халықтың айтуынша, көпір жыл сайын жамалады, жөндеу жұмыстарының сапасы әлі көңіл көншітерліктей емес.
Телеарна тілшісінің мәліметінше, көпірді жөндеуге биыл жергілікті бюджеттен 21 миллион теңге бөлінген.
Мердігер ұйым жұмыстар жоба бойынша жүргізіліп жатқанын, ешқандай заңбұзушылықтар жоқ екенін мәлімдеді.
"Оңтүстік-Орал теміржолына құм мен қиыршық тас шашылмау үшін картон қағазбен жамалған. Мұқият қарасаңыз, арасынан рельстерді көре аласыз. Олар көпірді асфальтпен жабу үшін уақытша жабылды. Енді бұл деформациялық жабындар қайтадан ашылады. Смета мен жобаға сәйкес жез компенсаторлар орнатылады, содан кейін бетонмен жабамыз", - деді "Магистраль СК" ЖШС директорының орынбасары Александра Найман.
Бұған дейін қазақстандықтар Атырау-Астрахань тас жолының жағдайы туралы видео түсірген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
