+7 (777) 001 44 99
Қазақша
Русский
English
Петропавлда скутер және мотоциклдің қатысуымен екі жол апаты болды, - деп хабарлайды Tengrinews.kz тілшісі СҚО ПД баспасөз қызметіне сілтеме жасап.
"Набережная көшесінің бойында Audi көлігін басқарған 28 жастағы жүргізуші мотоциклмен соқтығысқан. Оқиға салдарынан Yamaha-ның 34 жастағы жүргізушісі мен жолаушысы жедел жәрдеммен қаладағы медициналық мекемелердің біріне жеткізілді", - делінген хабарламада.
Кешкі сағат 19:00 Потанин көшесінде тағы жол апаты орын алды.
"Renault Duster көлігін басқарып келе жатқан жүргізуші Alpha скутерімен соқтығысқан. Жол апаты салдарынан 15 жастағы қала тұрғыны жарақат алды", - деп толықтырды ПД.
Жол апаты дерегі бойынша әкімшілік құқық бұзушылық туралы материалдар жиналып, процессуалдық шешім қабылдау үшін Петропавл қалалық Полиция басқармасының әкімшілік полиция бөліміне жіберілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
