+7 (777) 001 44 99
Қазақша
Русский
English
Қазақша
Русский
English
Энергетика министрі Мағзұм Мырзағалиев Қазақстанның мұнай өңдеу зауыттары басшыларының қатысуымен көшпелі кеңес өткізді, - деп хабарлайды Tengrinews.kz тілшісі Қазақстан Республикасы Энергетика министрлігінің баспасөз қызметіне сілтеме жасап.
Кездесу барысында Энергетика министрлігінің басшысы биыл отандық кәсіпорындар ішкі нарықты дизель және авиа-отынмен қамтамасыз ету бойынша міндетті орындай алмағанын атап өтті. Сондай-ақ, жүйелі сипаттағы проблеманың негізгі себептерінің бірі жөндеу жұмыстарын тиімсіз жоспарлау екенін айтты.
"Өндірістік қуатты жаңғыртуға қарамастан, зауыттар ең қолайсыз сәтте үнемі жөндеуге тоқтап тұрады. Өсіп келе жатқан тұтыну жағдайында жыл сайынғы 25 күндік тоқтау рұқсат етілмейтін жағдай болады. Жөндеу жұмыстарын жүргізудің қолданыстағы регламенті ескірген деп есептеймін. Күрделі жөндеуге жылына бір ғана зауыт тоқтауы тиіс. "ҚазМұнайГаз" басшылығына алдағы 5 жылға жаңа жоспар әзірлеуді тапсырамын", - деді Мағзұм Мырзағалиев.
Сондай-ақ, министрге Павлодар мұнай-химия зауытында жөндеу жүргізу кезінде гидротазарту компрессоры роторының ақаулығы анықталғаны туралы баяндалды. Бұл ретте ақаулы бөлшекті тек 5 айдан кейін ғана ауыстыруға болады және осы кезең ішінде ПМХЗ ай сайын жоспарланғаннан 20-40 мың тоннаға аз дизель отынын өндіретін болады. Осыған байланысты ведомство басшысы ҚМГ басшылығына МӨЗ-бен бірлесіп көктемгі егін жұмыстары басталғанға дейін, оның ішінде мұнай өнімінің импорты есебінен қорлар қалыптастыруды тапсырды.
Энергетика министрі қысқы дизель отынын өндіруге бағытталған "Ертіс" жобасын уақытылы іске асыруды қамтамасыз етуге баса назар аударды.
"ПМХЗ-ның тұрақсыз жұмысы ішкі нарықты қамтамасыз етуге теріс әсер етеді. Бұл, әрине, балансқа әсер етеді. Біз көктемгі егін жұмыстарына жиналған қалдықтарсыз қалуымыз мүмкін", - деді Энергетика министрлігінің басшысы.
Сондай-ақ, министр бір апта ішінде компрессордың бұзылу себептерін тексеруді аяқтауды тапсырды және ҚМГ басшылығына зауыттың бас директоры Оспанбек Әлсейітовке қатаң сөгіс жариялауды ұсынды.
"ҚазМұнайГаз" АҚ-ының деректері бойынша, 2017 жылы жүргізілген барлық үш МӨЗ-ді жаңғырту ішкі нарықты мұнай өнімдерімен толық қамтамасыз етуге мүмкіндік береді. Мәселен, елімізде 4,96 миллион тонна автобензин, 5,14 миллион тонна дизель отыны және 623 мың авиаотын өндіріледі.
Алайда Ұлттық компания дизельге байланысты болған жағдайға бағаны жасанды тежеу әсер еткенін айтты.
"3-4 тоқсанда дизель отынының тапшылығы елдің жекелеген өңірлерінде өте жоғары тұтыну мен ағындардан туындады. Себеп ҚР мен көрші елдер арасындағы бөлшек сауда бағаларының диспаритетінде", - деді басқарма төрағасының орынбасары Данияр Тиесов.
Сондай-ақ, ҚМГ деректері бойынша көбінесе жосықсыз мұнай базалары қалдықтар бойынша бұрыс деректер береді, олар мұнай өнімдерін көлеңкелі шығаруды жүзеге асырады және мұнай өнімдерін басқа өнімдермен араластырады. Пәрменді шаралар ретінде ұлттық компания "Мұнай өнімдерінің айналымы туралы" Заңға сенімді деректер алу үшін әуежайлардың барлық мұнай базалары мен отын-құю кешендерін есепке алудың бақылау құралдарымен міндетті жарақтандыру жөніндегі талапты енгізуді ұсынады. Сондай-ақ, ҚМГ ірі АЖҚС желілерін екі аптаға жететін мұнай өнімдерінің төмендетілмейтін қорлары болуын міндеттеуді сұрайды.
Министр қазір Президент тапсырмасы бойынша мұнай өнімдері нарығын тұрақтандыруға бағытталған шаралар әзірленіп жатқанын атап өтті.
Еске салайық, қарашаның басында Қасым-Жомарт Тоқаев қазанда Қазақстанда болған дизель отынының тапшылығы туралы айтқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
