+7 (777) 001 44 99
Қазақша
Русский
English
Қазақша
Русский
English
Астана полициясы қалың қардың жаууына байланысты елорда жүргізушілері мен жаяу жүргіншілерін жолда сақ болуға шақырады, - деп хабарлайды Tengrinews.kz тілшісі Астана ПД баспасөз қызметіне сілтеме жасап.
"Жүргізушілерден барынша мұқият болуды, белгіленген жылдамдық режимін қатаң сақтауды, көлікті кенеттен тежемеуді, арақашықтық пен бүйірлік интервалды сақтауды, көлікті тек рұқсат етілген орындарға қоюды, сондай-ақ жеке автокөлікті жол бойында қалдырмауды және патрульдік полиция қызметкерлерінің талаптарын орындауды сұраймыз", – делінген хабарламада.
Сондай-ақ, полиция азаматтарға қолайсыз ауа райы салдарынан қала сыртындағы жолдарда қозғалыстың уақытша шектелетінін ескертіп, алыс сапарлардан бас тартуға кеңес берді.
"Мүмкіндігінше қоғамдық көлікті пайдаланыңыз", – деп кеңес берді ведомство.
Полиция жүргізушілер ғана емес, жаяу жүргіншілер де ерекше сақтық танытуы керек екенін атап өтті.
"Өз қауіпсіздігіңіз үшін көшені белгіленген орындарда кесіп өтуге, жарық шағылыстыратын элементтерді пайдалануға, жолдан өткен кезде құлаққапты шешіп, телефонға қарамауға кеңес береміз. Құрметті жол қозғалысына қатысушылар, өзіңізді және жақындарыңызды сақтаңыз", – делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
