+7 (777) 001 44 99
Қазақша
Русский
English
Алматылықтармен кездесуінде қала әкімі Ерболат Досаев премьер-министр қызметіне ауысуы туралы қауесетке қатысты пікір білдірді, - деп хабарлайды Tengrinews.kz тілшісі.
Алматы қаласы әкімінің міндетін атқарушы Ерболат Досаевтың халықпен кезекті кездесуінде Түрксіб ауданы тұрғындарының бірі өз алаңдаушылығын жеткізді.
"Үлкен ұлым отбасымен тұратын Жарылғасов көшесіндегі мәселені айтайын деп келдім. 50 жылдан аса уақыттан бері кәріз жоқ. Көшенің ортасында мешітте кәріз құбыры бар. Ал қалған 150 үйдің бәрінде – жоқ. Түрксіб ауданында тендерді ұтып алған ұйымдар "Нижняя пятилетка" шағынауданында кәріз құбырларын қазып, қайтадан жөндеу жұмыстарын жүргізіп жатыр.
Ертең премьер-министр болып Астанаға кетсеңіз, қазір бұл... Мен бұл мәселені Байбекке (Алматы қаласының экс-әкімі Бауыржан Байбек. – еск.) және Сағынтаевқа (Алматы қаласының экс-әкімі Бақытжан Сағынтаев. – еск.) айттым. Бұл әкімнен әкімге берілетін мұра сияқты. Ертең кетсеңіз басқа әкім келеді. Мәселе шешілмей қалмасын", - деді ол.
Бұған жауап ретінде Досаев ешқайда кетпейтінін, қала әкімі қызметін жалғастыратынын айтты.
"Бүгін алдарыңызда отырмын ғой, ешқайда кетпеймін. Рақмет. (...) Рұқсат етсеңіздер, қалып, жұмыс істейін", - деді Алматы әкімі.
Досаев бұл мәселе бойынша соңғы рет қарамағындағыларға тапсырма бергенін түсіндірді.
"Олар қазір жобалық-сметалық құжаттаманы дайындап жатыр, биыл қарашаға дейін жұмысты аяқтауы керек. Біз кәріз жүйесі жоқ көшелердің бәрін біріктірдік. Келесі жылы бәрі жақсы болса, құрылыс жұмыстарын бастаймыз", - деді Досаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
