Премьер-министр: Жанармайға қатысты мәселе Назарбаевтың жеке бақылауында

17 Қазан 2017, 11:02
6
Премьер-министр: Жанармайға қатысты мәселе Назарбаевтың жеке бақылауында - © Тұрар Қазанғапов
© Тұрар Қазанғапов

Премьер-министр Бақытжан Сағынтаев Мемлекет басшысы Нұрсұлтан Назарбаев елдегі бензин мәселесін бақылап, үкімет мүшелерінің әрқайсына жауапкершілігі жайында ескертетінін айтты, - деп хабарлайды Tengrinews.kz тілшісі.

"Ішкі нарықты мұнай өнімдері мен көмір мәселесі Мемлекет басшысының жеке бақылауында. Президент кеше Ақордада Қанат Алдабергенұлын қабылдағанда (Бозымбаевты, энергетика министрі - автор.) тағы да жауапкершілік жайында ескертіп, барлығымызға бензин тапшылығын жоюға қатысты қажетті шараларды қолдануды тапсырды. Осыған байланысты, Қанат Алдабергенұлы, көмір, мұнай өнімдері әкімдіктегілерімен жұмысты жалғастыра беріңіздер, Асқар Ұзақбайұлы (Мамин - автор.), бақылауға алыңыз", - деді Сағынтаев.

Сондай-ақ, премьер-министр монополияға қарсы ұйымдарға еліміздегі жанармай құю бекеттеріндегі бағаның бір қалыпты болуын бақылап жүруді тапсырды.

"Келесі аптада тағы да осы мәселені қайта көтереміз", - деді Сағынтаев.

Осыған дейін Бозымбаев бензин тапшылығына қатысты есеп берген болатын. "Бензин бойынша жағдайды тұрақтандыру үшін бірқатар шара қолданылды. Шымкент және Атырау зауыттарында АИ-92 бензинін өндіру 35 тоннаға дейін арттырылды. Жеңілдетілген мұнай да қосымша жеткізіліп жатыр. Мұның бәрі жоспарланған 135 мың тонна орнына 170 мың тонна АИ-92 өндіруге мүмкіндік береді", - деген еді Қанат Бозымбаев. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (6)
Оқылып жатыр
Талқыланып жатыр
Бүгін
Апта
Ай