+7 (777) 001 44 99
Қазақша
Русский
English
Елорда әкімдігінде Мемлекет басшысы Нұрсұлтан Назарбаевтың төрағалығымен Астананың даму мәселелері бойынша отырыс басталды, - деп хабарлайды Tengrinews.kz тілшісі.
"Біз биыл Астананың 20 жылдығы аясында жиналып отырмыз. Астана қысқа уақыттың ішінде әлемге танымал мегаполиске айналды. Астана бейбітшілік пен келісім қаласы болды. Менің ойымша, осы қала біздің отандастарымызды қуантып, келген қонақтарды таңғалдырып жатыр", - деді Президент.
"Біз өзіміз жеткен жетістіктерге сүйсініп жатырмыз. Бұл біздің халқымыздың жеңісі, қазақстандықтардың жеңісі, әрбір үйді, әрбір кірпішті өз қолымен салғандардың жеңісі. Мұнда біздің де жеңісіміз бар. Бірақ біз осымен тоқтап қалмаймыз, әрі қарай жұмыс істейтін боламыз", - дейді Нұрсұлтан Назарбаев
Сондай-ақ, Президент Астананың 20 жылда қалай өзгергенін айтып өтті.
"20 жыл уақыт тез өтіп кетті. 20 жылдығымызды тойлаймыз. Менің бірге жұмыс істеген майдандастарымда, жастарда бұрынғы Ақмолаға келген сәті естерінде шығар. Астанаға қараймын да, өзім таңғаламын. Сарыарқа орталығында елорда салдық, әлемді таңғалдырдық (...), - деді Мемлекет басшысы.
