Президент баспасөз хатшысының мәлімдемесі: Тоқаев - мемлекетіміздегі ең жоғары лауазымды тұлға кеше, 12:54
Қазақстан Президентінің баспасөз хатшысы Берік Уәли мәлімдеме жасады, - деп хабарлайды Tengrinews.kz тілшісі.
Хабарламаны Ақорданың баспасөз қызметі таратты.
"Қазақстан Республикасы Президентінің баспасөз хатшысы Берік Уәлидің блогосферадағы әртүрлі алып-қашпа сөздерге қатысты түсіндірмесі:
Мемлекет басшысының кейінгі шешімдері мен үндеулері бойынша блогосферада әртүрлі сипаттағы түсіндірмелер жариялануда.
Осыған байланысты мынадай мәлімдеме жасау қажет деп санаймын:
Қасым-Жомарт Тоқаев - мемлекетіміздегі ең жоғары лауазымды тұлға және Қауіпсіздік Кеңесінің Төрағасы.
Сондықтан Мемлекет басшысы дербес шешім қабылдайды.
Конституциялық құрылымға нұқсан келтіруді көздеген содырлардың Қазақстанға шабуыл жасаған қайғылы күндері де осылай болған.
Қасым-Жомарт Кемелұлы отандастарымызға арнаған өзінің үндеулерін кеңесшілердің көмегінсіз әдеттегідей өзі жазды".
Сілтемесіз жаңалық оқисыз ба? Онда Telegram желісінде парақшамызға тіркеліңіз!