+7 (777) 001 44 99
Қазақша
Русский
English
Браконьерлер заң бойынша қатаң жазалануы қажет. Бұл туралы Президент Қасым-Жомарт Тоқаев Twitter желісіндегі парақшасында мәлімдеді, - деп хабарлайды Tengrinews.kz тілшісі.
"Браконьерлер табиғат байлығы - киіктерді аулауды тоқтатпай отыр. Алматы облысында ҰҚК қызметкерлері 3 мыңға жуық киікті өлтірген қылмыскерлерді құрықтады. Қаскөйлер заңға сәйкес қатаң жазаға тартылуы тиіс. Құқық қорғау органдары мұндай заңсыз әрекеттерге тоқтау салуы керек", - деді Президент.
Бұған дейін Ұлттық қауіпсіздік комитетінің қызметкерлері Алматы, шымкент және тағы бес облыста ұйымдасқан қылмыстық топтың 18 мүшесін тұтқындаған. Тергеу кезінде 3 мыңға жуық ақбөкеннің мүйізі табылған.
