Жамбыл облысы Полиция департаментінің бастығы Арман Оразалиев қызметінен босатылды, - деп хабарлайды Tengrinews.kz тілшісі. Хабарлама Ақорда сайтында жарияланды.
Жалғасы
"Мемлекет басшысы ҚР Ішкі істер министрі Ерлан Тұрғымбаевқа Жамбыл облысы полиция департаментінің бастығы Арман Оразалиевті және Қордай аудандық полиция бөлімінің бастығы А.Айқымбековті қызметінен босатуды тапсырды", - делінген хабарламада.
Арман Оразалиев 2018 жылы шілдеде Жамбыл облыстық ішкі істер департаментінің басшысы болып тағайындалған еді. Ол ІІМ Алматы жоғары мектебін тәмамдаған. Бұрын ҚР ІІМ Криминалдық полиция департаменті бастығының орынбасары болып қызмет атқарған.
