Президент жаңа тұрғын үйлермен қатар мектеп пен балабақша салуды тапсырды

Президент Қасым-Жомарт Тоқаев Қазақстанда тұрғын үй кешенін салу кезінде міндетті түрде мектептер мен балабақшалар салынуы тиіс екенін айтты, - деп хабарлайды Tengrinews.kz тілшісі Ақорда сайтына сілтеме жасап.

Ұлттық қоғамдық сенім кеңесінің отырысында Тоқаев мектептерде орын жетіспеушілігі мәселесі туралы айтты. Ол өзінің таяудағы жолдауында 2025 жылдың аяғына дейін 1 000 мектеп салуды тапсырғанын еске салды.

"Тұрғын үйлерді салу кезінде оған қатар мектептер мен балабақшалар да салынуы тиіс. Үкіметке осы талаптың сақталуын қатаң қадағалауды тапсырамын", - деді Мемлекет басшысы.

Сонымен қатар, Президент студенттерге грант бөлу схемасын өзгертуді ұсынды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!