+7 (777) 001 44 99
Қазақша
Русский
English
ҚР Ұлттық қауіпсіздік комитетінің өкілдері "Қазақстан инжиниринг" басқарма төрағасының бұрынғы орынбасары Қанат Сұлтанбековтың қай бап бойынша күдікті болып отырғанын айтып берді, - деп хабарлайды Tengrinews.kz тілшісі.
"ҚР Ұлттық қауіпсіздік комитеті "Қазақстан инжиринг" Ұлттық компаниясы" АҚ басқарма төрағасының бұрынғы орынбасары Сұлтанбеков Қанат Таңатаровқа қатысты ҚР ҚК-нің 366-бабының 4-тарауы - "Аса ірі көлемде пара алу" бойынша сотқа дейінгі тергеу жүргізіп жатыр. Сот шешімі бойынша ол тұтқындалды. Істің өзге мән-жайы тергеу мүддесіне байланысты жарияланбайды", - деп жауап берді ҚР ҰҚК өкілдері Tengrinews.kz редакциясының ресми сауалына.
23 ақпанда Қанат Сұлтанбеков тұтқындалған болатын. Құқық қорғау органдары мен сот оның қандай бап бойынша күдікті екенін хабарламаған.
6 сәуірде № 2 Есіл аудандық соты Қанат Сұлтанбековты қамауда ұстау мерзімін 16 маусымға дейін ұзартқан болатын.
