+7 (777) 001 44 99
Қазақша
Русский
English
Қазақша
Русский
English
Qarmet металлургиялық комбинатында өндірістік қажеттілігі жоқ ғимараттар мен құрылыстарды бұзу бағдарламасы іске қосылды.
Ескі, апатты және пайдаланылмайтын ғимараттарды сүріп тастау– кәсіпорынның өндірістік қуатын жаңарту процестерінің бірі. Бұл бірнеше негізгі кезеңдерді қамтиды, олардың басты мақсаты – қызметкерлердің қауіпсіздігін қамтамасыз ету, ресурстарды тиімді пайдалану және жаңа нысандар үшін аумақты тазарту.
"Ғимараттарды бұзу – компания үшін жаңа бағдарлама емес. Алайда, 2024 жылғы нұсқасы ғимараттардың жекелеген элементтерін ғана емес, толық конструкцияларын да алып тастауға бағытталған. Бұл зауыт аумағында жаңа өндірістік нысандарға орын дайындап, қауіпсіздік деңгейін арттыруға мүмкіндік береді. Қазіргі уақытта оттегі цехының ауа бөлу блогын, шихта цехының кейбір ғимараттарын, коксохимия өндірісінің ректификация цехтарын, пайдаланылмайтын галереялар мен қалыптау цехының ғимараттарын бұзу жұмыстары жүргізілуде. Осы шаралардың нәтижесінде комбинат аумағында шамамен 50 мың м² пайдалы алаң босатылады", – деді кәсіпорынның күрделі құрылыс жөніндегі директор орынбасары Алексей Давыдов.
Бұзатын ғимараттардың көпшілігі 30 жылдан астам уақыт бұрын салынған. Демонтаж процесінде арнайы техника мен жабдықтар қолданылады. Барлық жұмыстар еңбек қауіпсіздігі нормаларына сәйкес, ықтимал тәуекелдерді ескере отырып, білікті мамандардың қатысуымен жүзеге асырылады. Бұл ескі ғимараттарды тиімді әрі қауіпсіз бұзуға, сондай-ақ өндіріс үшін қажетті материалдарды қайта өңдеуге жіберуге мүмкіндік береді.
