+7 (777) 001 44 99
Қазақша
Русский
English
"Қазақмыс Корпорациясы" ЖШС басқарма төрағасы Эдуард Огай Жезқазғанда болған жағдайға байланысты мәлімдеме жасады, - деп хабарлайды Tengrinews.kz тілшісі.
Мәлімдеме компанияның сайтында 24 қаңтарда жарияланған.
"Бүгін біз "Кәсіп Қорған" кәсіподақ ұйымының төрағасы Тоғызбай Тәжбеновті ақтық сапарға шығарып салдық. Тоғызбай Абсаматұлының қазасы туралы хабарды ауыр қайғымен қабылдадым.
"Қазақмыс Корпорациясы" ЖШС басқарма төрағасы ретінде толық жауапкершілікпен компания тарапынан оқиғаның мән-жайы анықталуына барлық үлесімді қосатынымды мәлімдеймін. Қазіргі уақытта құқық қорғау органдары қажетті барлық шарны жасап жатыр, соның нәтижесінде оқиғаның мән-жайы анықталады.
Осы қайғылы жағдайға қатысты сан түрлі пікір айтылып жатыр. Осы қызметке адалдығы және кәсіби шеберлігі үшін Тоғызбай Тәжбеновті тағайындауды мен ұсынғанмын. Сол себепті тергеу нәтижесі шықпайынша қандай да бір пікірден аулақ болуға шақырамын.
Тоғызбай Абсаматұлының туыстары мен жақындарына қайғырып көңіл айтамын", - делінген хабарламада.
Осыған дейін, 21 қаңтарда кешке Тоғызбай Тәжбенов КБК бас директоры Амангелді Мініғұловқа және Корпорация маманы С. Тембаевқа пышақпен шабуыл жасаған. Кәсіподақ басшысының өзі оқиға орнында - "Қазақмыстың" топ-менеджері кабинетінде өз-өзіне қол жұмсады.
