+7 (777) 001 44 99
Қазақша
Русский
English
Қазақстан Президенті жанынан "жасыл экономикаға" көшу бойынша кеңес құрылды, - деп хабарлайды Tengrinews.kz Ақорда сайтына сілтеме жасап.
"Қазақстан Республикасының "жасыл экономикаға" көшу бойынша Тұжырымдамасының жүзеге асуын қадағалап, баға беру мақсатында Қазақстан Республикасы Президенті жанынан "жасыл экономикаға" көшу бойынша кеңес құруға қаулы етемін" - делінген Елбасы қарарында.
Кеңес кеңесуші-талқылаушы орган болады. Оның басты міндеттері: Тұжырымдаманың басты ережелерін жүзеге асыру үшін ұсыныстар әзірлеу, оны жүзеге асырудың стратегиясы мен тактикасын, әдістері мен тетіктерін айқындау, "жасыл экономикаға" көшудегі аса маңызды мәселелердің шешімінде орталық және жергілікті атқарушы органдардың, жергілікті өзін-өзі басқару органдарының бір-бірімен тиімді әрекеттесуін арттыру бойынша ұсыныстар дайындау, Тұжырымдаманы жүзеге асыру бағыттарын, кезеңдерін, амалдары мен тетіктерін талқылауға қоғамдық ұйымдар мен БАҚ-ты тарту және т.б.
Кеңестің жұмысшы органы Қоршаған орта және су ресурстары министрлігі.
