+7 (777) 001 44 99
Қазақша
Русский
English
Өскеменде жаңа ықшамаудандағы электр мен су тартылмаған көшеге "Өркениет" деген атау беру ұсынылды, - деп хабарлайды Tengrinews.kz тілшісі.
Қалалық мәслихаттың отырысында Өскемен әкімінің орынбасары Ольга Булавкина облыс орталығындағы 23 көшеге атау керек екені жайлы мәселе көтерді.
Әкімдіктің жұмыс тобы атаулардың алдын ала тізімін жасап қойды. 23-ші ықшамаудандағы сол көшелердің біріне "Өркениет" атауы берілуі мүмкін.
"Бұл көше менің сайлау округіме кіреді. Осы ауданда электр, кәріз және су мәселесі шешілмей тұр. Сол көшеге "Өркениет" деген атау бермексіздер ме?", - деп сұрады депутат Тамара Рахымжанова.
Ольга Булавкина өз кезегінде көше атауларына қатысты мәселені қайта көтеруге уәде берді. Бір қызығы, халық қалаулылары жаңа атаулар жайлы тұрғындардың пікірімен санаспау туралы шешім шығарды.
