+7 (777) 001 44 99
Қазақша
Русский
English
Қазақстанның алты облысында жел мен жауын-шашынның салдарынан дауыл тұруы мүмкін, - деп хабарлайды Tengrinews.kz тілшісі "Қазгидромет" РМК ақпараттарына сілтеме жасап.
29-31 мамыр күндері Қостанай, Солтүстік Қазақстан, Ақмола, Павлодар, Қарағанды және Шығыс Қазақстан облыстарында жаңбыр жауып, арты қарға айналуы мүмкін, желдің үдеуі секундына 15-20 метрге дейін жетеді. Желдің ұйытқуы секундына 25 метрге дейін болуы да мүмкін.
28 мамырдан 2 маусымға дейін Қостанай, Солтүстік Қазақстан, Ақмола, Павлодар облыстарында ауа температурасы түнде 1-6 градус жылылыққа дейін төмендейді, кейбір жерлерде 0-5 градус суық, күндіз 7-12 градус жылы аралығында болады деп күтілуде.
30 мамырдан 2 маусымға дейін Қарағанды және Шығыс Қазақстан облыстарында түнде 3-8 градус жылылыққа дейін суытып, кейбір жерлерде 0-5 градус суық, күндіз 7-12 градус жылы аралығында болуы мүмкін.
