+7 (777) 001 44 99
Қазақша
Русский
English
Қазақстанның бес облысында тас жолдар жабылды, - деп хабарлайды Tengrinews.kz тілшісі ҚР ІІМ ТЖК мәліметіне сілтеме жасап.
Ақмола облысында желге байланысты "Астана-Щучинск" (18-230 шақырым) тасжолы мен "Астана - Теміртау" автожолы жабылған.
Қарағанды облысында "Алматы-Екатеринбург" (1051-1142 шақырым, Теміртау-Ақмола облысының шекарасы) барлық көлік түріне жолдар жабылған. Сондай-ақ "Жезқазған-Петропавл" (130-240 шақырым, Қарағанды облысының Ұлытау ауылының шекарасы) автожолы жабылды.
Солтүстік Қазақстан облысында аязға байланысты барлық өңірге шығатын дизельмен жүретін қоғамдық және жүк көліктері үшін жолдар жабылды.
Алматы облысында қатты желдің, боранның және көру мүмкіндігінің төмен болуына байланысты "Үшарал-Достық" (83-184 шақырым) автожолында барлық көліктер үшін жолдар жабылды.
Қостанай облысында аязға байланысты кей жолдарда көлік қозғалысына шектеу қойылды: "Мамлютка-Қостанай"(180-252 шақырым, Ұзынкөл ауылы), "Екатеринбург-Алматы" (686-729 шақырым, Сарыкөл ауылы СҚО шекарасы) дизельмен жүретін қоғамдық және жүк көліктері үшін жолдар жабылды.
