+7 (777) 001 44 99
Қазақша
Русский
English
Батыс Қазақстан облысында дауылға байланысты ескерту жарияланды, - деп хабарлайды Tengrinews.kz тілшісі өңірлік ТЖД-ға сілтеме жасап.
"Қазгидромет" РМК-ның Батыс Қазақстан облысы бойынша филиалының мәліметі бойынша, 7-8 желтоқсан күндері Батыс Қазақстан облысында батыстан соғатын желдің жылдамдығы кей жерлерде секундына 15-20 метрге дейін күшейеді. Оралда 7-8 желтоқсан күндері батыстан соғатын желдің екпіні секундына 18 метрге жетеді", - делінген хабарламада.
Сонымен қатар, "Қазгидромет" кәсіпорны Ақмола облысында қолайсыз ауа райына байланысты ескерту жариялады. Күндіз 7 желтоқсанда, 8 желтоқсанда тәулік бойы, 9 желтоқсанда түнде Ақмола облысында бұрқасын, көктайғақ күтіледі, оңтүстік-батыстан соғатын желдің жылдамдығы секундына 15-20 метрге, кей жерлерде 23-28 метр болады.
"Астанада күндіз 7 желтоқсанда, 8 желтоқсанда тәулік бойы, 9 желтоқсанда түнде бұрқасын, көктайғақ күтіледі, оңтүстік-батыстан соғатын желдің жылдамдығы секундына 15-20 метрге жетеді", - деп ескертті синоптиктер.
