+7 (777) 001 44 99
Қазақша
Русский
English
Қазақстанның ҰОС ардагерлері жыл соңына дейін еліміздегі жолаушылар тасымалына арналған пойыз қызметін тегін пайдалана алады, - деп хабарлайды "Жолаушылар тасымалы" АҚ-қа сілтеме жасаған Tengrinews.kz тілшісі.
"Ұлы жеңістің 69 жылдығына орай 2014 жылдың 1 мамырынан бастап 31 желтоқсанға дейін "Қазақстантеміржолы" ҰК" АҚ жыл сайынғы акциясын жаңғыртып, Ұлы Отан соғысына қатысушыларға жолаушылар пойызында тегін жүруге мүмкіндік береді" делінген арнайы таратылған баспасөз хабарламасында. Онда ҰОС ардагерлері мерекелік акция аясында Қазақстанның түкпір-түкпіріне және ТМД елдеріне де тегін жете алады делінген.
ҰОС ардагерлері барлық категориядағы, қала маңы аумақтарына да қатынайтын пойыздардың купе вагондарын пайдалануға құқылы, тек "Тальго" зауытынан шыққан вагондарға тегін міне алмайды.
"ТМД елдеріне бағыт алуда жолаушы құжаты Қазақстан Республикасы территориясында орналасқан вокзалдарда баратын стансасы мен кері қайту пунктіндегі сатылым бойынша тіркеледі. Билеттерді толтыру үшін жеке басын куәландыратын төлқұжат, сонымен қатар Ұлы Отан соғысының мүгедегі немесе оған қатысушы екенін нақтылайтын құжаттың түпнұсқасы немесе көшірмесі болуы керек" - делінген баспасөз баянында.
ҰОС ардагерлеріне жасалған жеңілдік акциясы туралы толығырақ мәліметті 105 - анықтамалық қызметінен, сондай-ақ "Жолаушылар тасымалы" АҚ-тың теміржол кассаларынан білуге болады.
