Елбасы "ҚазМұнайГаз" ҰК" АҚ басқармасының басшысы Сауат Мыңбаевты қабылдады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Сауат Мыңбаев Мемлекет басшысына ұлттық компанияның 2015 жылғы қызметінің қорытындылары мен таяу келешекке арналған жоспарлары туралы баяндады.
"Кездесуде қаржы-өндірістік қызмет мәселелері қозғалып, компанияны дамытудың негізгі бағыттары бойынша дағдарысқа қарсы шаралар талқыланды", - делінген Ақорда таратқан хабарламада.
Айта кетейік, Мемлекет басшысы кездесу қорытындысы бойынша бірқатар нақты тапсырма берді.
