Бүгін Астанада қорғаныс министрі Нұрлан Ермекбаев Қазақстандағы Қырғыз Республикасының Төтенше және Өкілетті елшісі Кулубаев Жээнбек Молдоканович мырзамен хаттамалық кездесуі өткізді. Бұл туралы Қорғаныс министрлігінің баспасөз қызметінің өкілдері мәлімдеді.
Кездесу барысында тараптар екіжақты қорғаныс, жауынгерлік даярлық, өңірдегі әскери қауіпсіздікті қамтамасыз ету, сондай-ақ әскери білім беру саласындағы кадрларды дайындау мәселелерін талқылады.
