+7 (777) 001 44 99
Қазақша
Русский
English
Қостанай облысында балабақшадан бала жоғалып, шу шықты. Оқиға Қарасу ауданындағы Қарасу ауылында болған. Ұл бала мекемеден өз бетінше үйіне кетіп қалған, деп хабарлады Alau.kz.
Жоғалып кеткен баланың анасының айтуынша, 29 мамырда тәрбиеші хабарласып, баласының қайда болуы мүмкін екенін сұраған. Сөйтіп, баланың топта жоқ екені анықталды. Баланың анасы мен әкесі оны іздеуге кірісті. Абырой болғанда бала үйіне өзі барған.
Тәрбиеші баланың анасына оның музыка мектебінен балабақшаға барар жолда жоғалып кеткенін айтқан. Алайда, бейнежазбаларды тексеру кезінде оқиғаның мүлде олай болмағаны анықталды. Бала киім ауыстыратын жерге өзі барып, киініп, кетіп қалған. Мекеменің қақпасы да ашық болыпты. Баланың жоғалғанын тәрбиеші балалардан естіген.
Баланың ата-анасы аудандық білім бөліміне шағымданды.
