+7 (777) 001 44 99
Қазақша
Русский
English
Қостанайлық жас ақын Самрат Иржасов әлеуметтік желіде "Синий кит", "Тихий дом" және осы сияқты топтарға тартатын арандатушылар сөзіне ермеуге шақырды, - деп хабарлайды Tengrinews.kz тілшісі.
"Жолдастар, мұнда араласқым келген жоқ. Бірақ ой маза бермеді. Бұл бір далбаса екенін айтқым келеді. Бәрі ойлай бергеннен. Ондай ойлардан арылыңыз. Әлемге көз салсаңыздар болғаны. Аспанға қараңыз. Спортпен, шығармашылықпен айналысыңыздар, білім алыңыздар. Өмір сүріп үйреніңіздер, менің де қажыған кездерім болады. Бірақ еңсемді тіктеп тұрып, терең дем аламын. Одан да күлімсіреп, жадырап #моредельфиновке, өмірге иә деңіздер, арандатушылар мен #морекитов #синийкит #f57 сияқтыларға жоқ деңіздер. Адамның ойына осындай кері әсер етушілерден қорқамын. Дельфиндерді жақсы көріңіздер, олар керемет!" - деп жазыпты ол Instagram желісіндегі өз парақшасында.
Былтыр Самрат Алматыдағы қайғылы оқиғаларға байланысты шығарған "Ал сен сенесің бе?" атты өлеңімен танымал болған еді. Қазір жас жігіт Алматыда тұрады және "Тұран" университетінде режиссер мамандығы бойынша білім алып жатыр.
