ҚР ІІМ жанынан Көші-қон мәселелері жөніндегі ұлттық бюро құрылады

ҚР ІІМ жанынан Көші-қон мәселелері жөніндегі ұлттық бюро құрылады. Мұндай тапсырманы Нұрсұлтан Назарбаев Қауіпсіздік кеңесінің отырысы барысында берді, - деп хабарлайды Tengrinews.kz тілшісі Ақордаға сілтеме жасап.

ҚР ІІМ жанынан Көші-қон мәселелері жөніндегі ұлттық бюро құрылады. Мұндай тапсырманы Нұрсұлтан Назарбаев Қауіпсіздік кеңесінің отырысы барысында берді, - деп хабарлайды Tengrinews.kz тілшісі Ақордаға сілтеме жасап.

Ақтөбедегі теракт мәселесі талқыланған жиында Қазақстан Президенті бақылаусыз көші-қонның, жерді өз бетімен басып алғандардың заңсыз қоныстарының қылмыс үшін қолайлы ортаға айналып отырғанына назар аударды.

"Үкімет заманауи технологияларға негізделген интегралданған миграциялық бақылау жүйесін құру жұмысын тездетіп, дактилоскопиялық тіркеу туралы заң жобасын әзірлеуге кірісуі керек. Оған дейін халықты тіркеуге қою және есепке алу механизмдерін орындау қамтамасыз етілсін. Барлық әкімдерге осы жұмысты жүргізіп, әрбір жарты жыл сайын ол туралы баяндап отыруды тапсырамын. Елімізге келетін босқындардың міндетті түрде тіркеуге тұру мүмкіндігін қарастырған жөн. Осы айтылғанның бәрі заңдар мен басқа да нормативтік құқықтық актілерде көрініс табуы керек. Бұл елдегі қауіпсіздік пен қоғамдық тәртіптің мүддесі үшін жүзеге асырылады. Үкімет Ішкі істер министрлігі жанынан миграциялық үдерістерді бақылау мен реттеу және осы салада талдау жүргізу ісіне жауап беретін Көші-қон мәселелері жөніндегі ұлттық бюро құру жұмысын тездеткені жөн", - деді Қазақстан Президенті.

ҰҚК Құқық қорғау органдары Қауіпсіздік Назарбаев Нұрсұлтан Ақтөбедегі атыс Ақтөбе облысы