+7 (777) 001 44 99
Қазақша
Русский
English
ҚР Президенті Протоколының жаңа басшысы тағайындалды, - деп хабарлайды Tengrinews.kz тілшісі Ақордаға сілтеме жасап.
"Мемлекет Басшысының Өкімімен Мәди Бәкірұлы Атамқұлов Қазақстан Республикасының Президенті Протоколының бастығы қызметіне тағайындалды", - деп жазылған баспасөз хабарламасында. Сонымен қатар, Мемлекет Басшысының Өкімімен ҚР Президентінің Протоколы бастығының орынбасары Тимур Пірімбетов Қазақстан Республикасының Президенті Протоколының бастығы міндетін уақытша атқарудан босатылғаны хабарланды.
Мәди Атамқұлов бұған дейін мемлекеттік емес секторда бірнеше қызмет атқарды. Ол ҚР Сыртқы істер министрлігінде бірінші хатшы болды, Мемлекеттік протокол қызметі басшысының орынбасары қызметін де атқарды.
Еске сала кетейік, бүгін, 20 қазанда Мемлекет басшысының өкімімен Румиль Тауфиков басқа жұмысқа ауысуына байланысты Қазақстан Республикасының Президенті Протоколының бастығы қызметінен босатылған болатын. Ол 2006-2009 жылдары Президент Протоколының сол уақыттағы бастығы Бауыржан Байбектің орынбасары болған.
