+7 (777) 001 44 99
Қазақша
Русский
English
ҚР Президентінің мұрағатында 1918 жылғы тарихи құжаттар бар, - деп хабарлайды Tengrinews.kz тілшісі Strategy2050.kz порталына сілтеме жасап. Мұндай мәліметті Қазақстан Республикасы Президенті мұрағатының директоры Борис Жапаров ОКҚ-да өткен брифинг барысында хабарлады.
Жапаровтың сөзіне қарағанда, мұрағатта бүгінгі таңда 1 мың 138 қор, 772 мың сақтау бірлігі, 11,5 мың 1918-2008 жылдардағы аудиовизуалдық құжат бар.
"Құжаттардың барлығы қалың көпшілік үшін ашық, оның ішінде 1998 жылдардағы құжаттар да бар. ҚР Президентінің мұрағаты 59 жинақ пен 14 мәліметтер кітабын және 430 мақаланы шығарды", - дейді Жапаров.
Айта кетейік, Президент мұрағатындағы құжаттарды сақтау үшін автоматтандырылған жүйе қызмет етеді, ол оңтайлы температура ылғалын сақтап, өртке қарсы қауіпсіздікті қамтамасыз етеді. Мұрағат арнайы ғимаратта орналасқан, 29 шақырым аймақты алып жатқан арнайы стационарлық, ұтқыр стелажды 8 автосақтағышы бар.
