+7 (777) 001 44 99
Қазақша
Русский
English
Қырғызстан мемлекеті Қазақстанға құс еті мен құс өнімдеріне салған шектеуін алды, - деп хабарлайды Tengrinews.kz тілшісі Sputnik Қырғызстан сайтына сілтеме жасап.
Тыйым салуды алып тастау туралы ветеринарлық және фитосанитарлық қауіпсіздік жөніндегі мемлекеттік инспекцияның баспасөз қызметі өкілдері агенттіктегілерге хабарлады. Ведомстводағылардың айтуынша, аталған аймақтардағы эпизоотиялық жағдайды тұрақтандыру туралы растау алған.
Еске сала кетейік, 8 қазанда Қырғыстан Алматы және Солтүстік Қазақстан облыстарынан жұмыртқа және құс етін әкелуге уақытша шектеу қойған еді. Себебін құс тұмауы мен Ньюкасл ауруына күдік бар екенімен түсіндірді.
Артынша, Қазақстан 12 қазанда Қырғызстанның бес кәсіпорынының құс еті өнімдерінің импортына уақытша тыйым енгізу туралы жариялады. Көрші мемлекетте жануарлардың қауіпті ауруларымен күресіп жатқанын айтқан еді.
