+7 (777) 001 44 99
Қазақша
Русский
English
Қызылорда облысында жол бойында амурлық жолбарыс жүр деген сипаттамамен бейнежазба таралды. Бұған қатысты Ауыл шаруашылығы министрлігі мәлімдеме жасады, - деп хабаралайды Tengrinews.kz тілшісі Орман шарушылығы және жануарлар дүниесі комитетінің баспасөз хатшысы Сәкен Ділдахметтің Facebook желісіндегі парақшасына сілтеме жасап.
Сөйтсе, бұл бейнежазбаның Қазақстанға еш қатысы жоқ екен. Сәкен Ділдахмет бұл бейнежазбаның жалған екеніне бірнеше себеп келтірді. Өткен ғасырда жолбарыстар Қазақстанда жойылған. Ал Қызылордада қазіргі уақатта ауа температурасы жоғары болғандықтан, ол жақта қар жоқ.
Тексеріс барысында бейнежазбадағы жолбарыс Ресейде түсірілген екен. Ресейлік БАҚ өкілдері амурлық жолбарыс бейнежазбаға Хабаровск - Владивосток жолында түсіп қалған мәлімдеген. Осы демалыс күндері қазнетте жолбарыстың жол бойында орналасқан қоршаудан секіріп өтіп бара жатқаны түсірілген бейнежазба таралған. Постта жарияланған видеоның сипаттамасында Қызылорда облысында түсірлгені жайлы жазылған.
