+7 (777) 001 44 99
Қазақша
Русский
English
Қазақстанның Австриядағы бұрынғы елшісі Рахат Әлиевтің денесін Швейцарияда екінші мәрте ашу оның өз-өзіне қол жұмсағанын растады, - деп хабарлайды австриялық Krone басылымы. Еске сала кетейік, Рахат Әлиев 23 ақпан күні түнде асылып қалған күйі табылды.
Басылымның мәліметінше, елшіні басқа біреулердің өлтіргені туралы белгілер табылмады. Еске сала кетейік, Рахат Әлиев Венадағы Йозефштадт түрмесінде қайтыс болды. Ол 23 ақпанда түнде асылып қалған күйі табылды. Кейін Австрияның әділет министрлігі бұрынғы елшінің өз-өзіне қол жұмсағанын ресми түрде растады. Министрлік оқиға болғанға дейін оның өтініші бойынша Әлиевтің үш адамдық камерадан бір адамдыққа ауыстырылғанын мәлімдеді.
Рахат Әлиевтің өз-өзіне қол жұмсағаны оның денесі бірінші рет ашылғанда расталған еді. Сонымен қатар, бұған дейін бұрынғы елшінің қанынан есірткі заттарының табылғаны туралы ақпарат пайда болды. "Бұрынғы қазақ елшісі Рахат Әлиевтің өлімінен соң оның қанынан алынған сынамаларда есірткі заттары бар екені туралы хабарламалар тарады. Прокуратура Әлиевтің қанында есірткі заттарының табылғанын растады", - делінген Австрияның ақпарат құралдарының хабарламасында. Басылымның мәліметінше, әңгіме ағзадан барбитураттардың (дәрі) ізін анықтаған алдын ала тест туралы болып отыр. Токсикологиялық сараптаманың нақты нәтижесі әзірше дайын емес.
