23 ақпан 2017 | 09:18

Ресей 22 жыл бұрын жалға алған жерлерді Қазақстанға қайтарады

Ардақ Құлтаев

Ресей 22 жыл бұрын жалға алған жерлерді Қазақстанға қайтарады. Бұл Ақтөбе облысындағы Ембі әскери полигоны - 300 мың гектардан аса. Мұндай жарлықты Мәжіліс депутаттары мақұлдады, - деп хабарлайды "Астана" телеарнасы. Жалға алу келісімінің мерзімі 2017 жылдың 1 қаңтарында аяқталған.

Ресей 22 жыл бұрын жалға алған жерлерді Қазақстанға қайтарады. Бұл Ақтөбе облысындағы Ембі әскери полигоны - 300 мың гектардан аса. Мұндай жарлықты Мәжіліс депутаттары мақұлдады, - деп хабарлайды "Астана" телеарнасы. Жалға алу келісімінің мерзімі 2017 жылдың 1 қаңтарында аяқталған.

Қорғаныс министрінің орынбасарының айтуынша, полигонды Қазақстанға қайтару үшін арнайы комиссия құрылады. Айтуынша, Қазақстан міндеттерді орындау мәселесінде ресейлік тарапқа шағымы жоқ екен.

"Полигонды жалдан шығару өңірдің экономикалық дамуына оң әсерін береді, қайтарылатын жерлер кәсіпкерлердің мүддесіне пайдаланылуы мүмкін, мұнда ауыл шаруашылығымен, пайдалы қазбаларды іздеу және өндіруді ұйымдастыру істерімен айналысатындарға қолайлы. Осы арқылы мемлекеттік бюджетке жаңа қайнаркөзден табыс түседі. Полигонның телімдері әлеуметтік маңызы бар инфрақұрылымдық жобалардың құрылысына пайдаланылуы мүмкін", - деді Талғат Мұхтаров.

Минстрдің орынбасары осының алдында ресейлік тараптың Қазақстанға полигонда орналасқан жылжымайтын және орнықты мүліктің бардығын өткізіп қойғанын айтты. Оның ішінде тұрғын-казармалық қордың 15 ғимараты бар.

Еске салайық, 1960 жылдың 10 мамырында Ембі-5 әскери қалашығы құрылған еді. Полигонда әуе зымыран ПВО CB, "Круг", "Куб", "Бук" , "TOP", "Оса", "С-300B", "Тунгусской" әуе қорғаныс С.В. жедел тактикалық қысқа ауқымды зымыран сыналды.

Ресей жыл сайын Қазақстанға осы мақсатта ақша төлеп тұған елі. Мәселен, өткен жылы 7 миллиард теңге шамасында қаражат түскен болатын.

Шекара Ресей Ақтөбе облысы

TENGRI travel