1. Басты
  2. Біл
  3. Жаңалықтар
  4. Ел жаңалықтары

Ресей Байқоңыр тұрғындарының денсаулығын тексереді - БАҚ 13 сәуір 2021, 17:32

Ресей Байқоңырдың барлық жұмысшысы мен ғарыш айлағының маңында тұратын адамдардың денсаулығын шұғыл түрде тексереді. Оған жергілікті тұрғындардың
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Фото: Тengritravel.kz Фото: Тengritravel.kz

Ресей Байқоңырдың барлық жұмысшысы мен ғарыш айлағының маңында тұратын адамдардың денсаулығын шұғыл түрде тексереді. Оған жергілікті тұрғындардың зымырандар ұшуына байланысты денсаулықтың нашарлағаны туралы шағымдары себеп болды, - деп хабарлайды Tengrinews.kz тілшісі Telegram-дағы Mash арнасына сілтеме жасап. 

Telegram арнадағы мәлімет бойынша, "Космос-21" деп аталатын зерттеу 2021 жылдың 30 қарашасына дейін жалғасады. Оған шамамен алты миллион рубль жұмсау жоспарланып отыр.

"Федералды медициналық-биологиялық агенттікті соңғы бес жылда, 2016-дан 2021 жылға дейін қазақ даласында тұратын адамдардың денсаулығы қалай өзгергені қызықтырады. Жергілікті тұрғындар экологиялық жағдайға шағымданған. Зымырандардан гептил төгіліп жатыр, адамдардың әл-ауқаты зардап шегеді", - деп жазылған Mash арнасында.

Ақпарат бойынша, агенттік мамандары Байқоңыр қаласының демографиясын талдайды: қанша адам дүниеге келді, қаншасы қайтыс болды. Жиналған деректер мамандарға ғарыш айлағы қызметкерлерінің денсаулығы қандай екенін түсінуге көмектеседі және олар үшін емдеу мен аурудың алдын-алудың жеке жоспарын жасайды.

Еске салайық, бұған дейін Қасым-Жомарт Тоқаев Қазақстан халықаралық бағдарламаларға белсенді қатысып, ғарыш технологияларын меңгеретінін мәлімдеген болатын.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!