1. Басты
  2. Біл
  3. Жаңалықтар
  4. Ел жаңалықтары

Ресей қазақ әліпбиін латынға көшіруге қатысты мәлімдеме жасады

© mid.ru © mid.ru

Ресейдің Сыртқы істер министрлігі Қазақстандағы қазақ әліпбиін латынға көшіруге қатысты мәлімдеме жасады, - деп хабарлайды РИА Новости.

Бұл мәселе туралы Ресей СІМ басшысының орынбасары Григорий Карасин мәлімдеген. "Меніңше, бұл жағдайда да біздің ұстанымымыз байсалды, айналып келгенде бұл Қазақстанның ішкі мәселесі - қандай тілдердің қандай деңгейде қолданылатыны", - деді Карасин.

Ол бұл мәселеге қатысты айрықша проблеманың жоқ екенін айтып отыр.

"Біздің екіжақты қарым-қатынасымызды бейімдеудің, орыс тілін латынға қатысты жаңа жағдайда қалай бейімдеудің амалдарын табатынымызға сенімдімін", - деді ресейлік дипломат.

Мұның алдында Қазақстан Президенті Нұрсұлтан Назарбаев қазақ тілі әліпбиін кириллицадан латын графикасына көшіру туралы Жарлыққа қол қойған еді.