18 мамыр 2019 | 11:24

Республика бойынша мыңға жуық жас жұмысқа орналасады

Камила Долаева Журналист

astana.gov.kz

Бүгін елорда студенттерінен құралған құрылыс және "Жасыл ел" еңбек жасақтарының XV еңбек маусымының салтанатты ашылуы өтті, - деп хабарлайды қалалық әкімдіктің ресми сайтында.

Бүгін елорда студенттерінен құралған құрылыс және "Жасыл ел" еңбек жасақтарының XV еңбек маусымының салтанатты ашылуы өтті, - деп хабарлайды қалалық әкімдіктің ресми сайтында.

Жазғы кезеңде жастар үшін жұмыс орындарын ұсыну жөнінде 10 ұйыммен келісімге қол қойылды. Олардың қатарында "Астана орманы", "Астана көгалдандыру құрылыс" ЖШС, бірқатар құрылыс компаниясы мен білім беру мекемесі бар. Қалаға бөлінген квотаға сәйкес 975 адам жұмыспен қамтылады.

Еске салайық, "Жасыл ел" бағдарламасы Елбасының тапсырмасы бойынша республиканың барлық өңірінде 2005 жылдан бері жұмыс істеп келеді. 14 жылдың ішінде елордалық "Жасыл ел" штабы астананы көгалдандыру жұмыстарына, 14 және 29 жас аралығындағы азаматтарды жұмыспен қамти отырып, жастарды әлеуметтендіру ісіне елеулі үлес қосты.

"Жасыл ел" штабы бар республика бойынша өз қамқорлығындағыларды табысты жұмысқа орналастыруда. Жастардың еңбек ұйымдарының қатарына қосылғысы келетін белсенділердің саны жыл сайын артып келеді. Бұдан бөлек, "Жасыл ел" еңбек жасақтарында жазғы кезеңде көпбалалы және аз қамтылған отбасылардан шыққан жастарды, сондай-ақ ювеналды полицияның есебінде тұрған 14 жасқа толған жасөспірімдерді жұмыспен қамтамасыз ету қарастырылған.

Жұмыссыздық бағдарлама Астана

TENGRI travel