+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Өзін және кішкентай баланы Гитлерге ұқсатқан қыз Казнет қолданушыларының ашуын келтірді, - деп хабарлайды Тengrinews.kz тілшісі.
Өзін және кішкентай баланы Гитлерге ұқсатқан қыз Казнет қолданушыларының ашуын келтірді, - деп хабарлайды Тengrinews.kz тілшісі.
Сурет Instagram желісіндегі skandal_krg парақшасында жарияланды. Сурет Жаңа жыл қарсаңында шыршаның қасында түсірілген. Онда қолында нәресте ұстаған қыз Үшінші рейх кезінде енгізілген "нацистердің сәлемдесуін" келтіріп тұр.
"Ақылы асқаннан емес қой", "Меніңше, бұл артық болды", "Бұл хайуанның кесірінен менің атам қаза болған. Ал ол мұны тағы қалап тұр", "Әзіл түрлі болады. Бірақ дәл осындаймен әзілдемейді. Ақылдырақ, ересектеу болайық", "Келесі жылы Бен Ладен немесе Чикатило болып киін, ал бала өскенде кім болғандарын түсіндір", - деп жазыпты кей қолданушылар.
Айта кетейік, қолданушылардың көбі қызға қатысты былапыт сөз жазып жатыр. Алайда оны қолдап шыққандардың да қарасы көрінді. Ал кейін сурет авторы өз әрекетін түсіндірді. Оның айтуныша, бұл сурет оның бұған дейін жариялаған туындыларының бірі ғана. Айтуынша, Instagram әкімшілігі бұл суреттерді оның аккаунтынан өшіріп тастаған.
"Бұл әзіл ғана, оған аса мән беріп қараудың да қажеті жоқ. Суретке түстік те, ұмыттық, болды. Ал мұнда мәселе көтеріп тастаған. Әзіл түрлі болады, көңілге тимейтіні де, тиетіні де. Бәрі бірдей түсінбей қалса, енді қайтейік? Ал мен туралы Гитлердің идеологиясын қолдайды, ұлтшыл, неміс және сол қанды оқиғалар қайталансын деп тілейді деген сөздері қанымды қарайтты. Қырсыққанда, Инстаграмда бірнеше сурет болды, сонда менің інілерім кеңес сарбазы фашистермен күресіп жатқаны жайлы қойылым жасады. Ал біздің кенжеміз ең бастысы, сондықтан оны осылай киіндірдік. Мен де, олар да фашистердің не істегенін, жалпы тарихты білеміз. Сондықтан бір суретке қарап, бізді сауатсыз деудің қажеті жоқ. Ал былапыт сөз айтқандар - өз деңгейі мен тәрбиесінің жоқтығын көрсетті. Ешкімге де түсіндіргім келмейді, ақымақ болмаса, өзі-ақ түсінеді, ұқпаса ұғындырып әлек болудың қажеті жоқ", - деп жазды ол.
