Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Сағынтаев жер реформасы жөніндегі комиссияның кезекті отырысын қорытындылады

21 Мамыр 2016, 14:39
2
Бақытжан Сағынтаев. © Facebook.com/primeminister.kz
Бақытжан Сағынтаев. © Facebook.com/primeminister.kz

Премьер-министрдің бірінші орынбасары Бахытжан Сағынтаев жер реформасы жөніндегі комиссия отырысын қорытындылады, - деп хабарлайды Tengrinews.kz тілшісі.

"Жер сатыла ма, сатылмай ма, сатылса қандай жағдайда сатылады деген сұрақтар қойылды. Тағы бір жағдай - комиссия мүшелері Қазақстан азаматтарына жерді сатып қана қоймай, жалға беру туралы норманы қалдыру мәселесін де қозғады", - деді Сағынтаев.

"Бірден шешім қабылданбайтыны түсінікті. Өңірлерді аралаймыз деп келістік. Халықтың пікірін тыңдап, ұсынысымызды ары қарай Парламентке беру үшін пысықтаймыз", - деді ол.

Сағынтаевтың айтуынша, отырыс барысында жерді қазақстандықтарға тегін беру мәселесі де қарастырылған. Ол бұл сұрақтың жұмыс топтарының отырысы барысында қарастырылатынын жеткізді.

"Комиссияның 38 мүшесі өз ойларын жеткізді. Келесі отырыста біз жерді шетелдіктерге жалға береміз бе, бермейміз бе, соны талқылайтын боламыз. Содан кейін, осы үлкен екі тақырып айтылып, талқыланып біткеннен соң халыққа шығатын шығармыз, ол үшін де өзіміздің позициямыз, ұсынысымыз болуы керек. Ондай ұсыныс болмаса жай халыққа бару қисынсыз, олар да бізден ұсыныс күтіп отыр", - деді Сағынтаев.

Айта кетейік, бүгінгі отырыс барысында жұмыс топтарының жетекшілері сайланды. Экономикалық мәселелермен Ақылбек Күрішбев (Сәкен Сейфуллин атындағы Қазақ агротехникалық университетінің ректоры), құқықтық мәселелермен - Мұхтар Тайжан, жер реформасын түсіндірумен - Мұрат Әбенов, рәсімдердің заңдылығы мен ашықтығын қамтамасыз етумен Дос Көшім айналысады.


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай