1. Басты
  2. Біл
  3. Жаңалықтар
  4. Ел жаңалықтары

Сағынтаев көркін жойған бұрынғы тарихи нысандарды сақтап қалу мәселесін көтерді25 қазан 2019, 10:58

Алматы қаласының әкімі Бақытжан Сағынтаев көркін жойған бұрынғы тарихи нысандарды сақтап қалу мәселесін көтерді, - деп хабарлайды Tengrinews.kz тілшісі. Бұл туралы әкім Instagram желісінде жазды.

"Қаланы аралау кезінде көркін жойған бұрынғы тарихи нысандарға назар аудардым. Осы проблеманы шешу үшін сәулет келбеті сақталуы тиіс ғимараттар туралы мәліметтер жинап, қалалық ресурсты іске қосамыз. Қалалық жоспарлау және урбанистика басқармасының (almaty.uaig.kz) сайтына ұсынылатын нысан туралы ақпаратты фотосуретімен және мекенжайымен жариялауға болады", - деп жазған шаһар әкімі.

Сондықтан Алматының бірегей ғимараттарын каталогқа енгізу туралы шешімді сарапшылар мен қоғамдық комиссия қабылдайды екен.

Сағынтаевтың айтуынша, қазіргі кезде энтузиаст-қоғамшылар 1927-1995 жылдар аралығында салынған тарихи құндылығы бар 757 ғимаратты анықтаған.