22 ақпан 2019 | 00:36

Сағынтаев мәлімдеме жасады

Ардақ Құлтаев

Отставкаға кеткен үкіметтің ендігі экс-басшысы Бақытжан Сағынтаев мәлімдеме жасады, - деп хабарлайды Tengrinews.kz тілшісі. Үкімет сайтында жарияланған мәлімдемені толықтай жариялаймыз.

Отставкаға кеткен үкіметтің ендігі экс-басшысы Бақытжан Сағынтаев мәлімдеме жасады, - деп хабарлайды Tengrinews.kz тілшісі. Үкімет сайтында жарияланған мәлімдемені толықтай жариялаймыз.

"Бүгін Үкімет отставкаға кетті.

Тәуелсіз Қазақстан мемлекетінің негізін қалап, бүгінгі биіктерге жеткізген Елбасы халқының өсіп-өркендеуін әрқашан ең басты қағида ретінде ұстанып, әрбір шешімін мемлекет пен халықтың мүддесі тұрғысынан қабылдап келеді.

Мемлекет құру оңай жұмыс емес. Жас мемлекетті түрлі қайшылықтар мен қақтығыстардан аман алып өтіп, тарихи өлшеммен алғанда тым қысқа мерзімде осындай абыройлы Ел ету шын мәнінде шексіз құрметке лайық.

Елбасы - еліміздің сан мың жылдық тарихындағы ең жауапты кезеңде халқымыздың бағына берген ұлы да жасампаз тұлғасы. Сол себепті, халқымыз баянды бүгіні мен жарқын болашағын тек қана Елбасының есімімен байланыстырады.

Өткен екі жарым жыл бойы Үкімет тізгінін тапсырып, жоғары сенім білдіргені үшін Елбасы Нұрсұлтан Әбішұлы Назарбаевқа шынайы алғысымды білдіремін.