+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда Бақытжан Сағынтаев өзі араласып, тұрғындардың сауалына жауап берген учаскедегі құрылыс жұмыстары қайта басталды, - деп хабарлайды Tengrinews.kz тілшісі.
Алматыда Бақытжан Сағынтаев өзі араласып, тұрғындардың сауалына жауап берген учаскедегі құрылыс жұмыстары қайта басталды, - деп хабарлайды Tengrinews.kz тілшісі.
Сөз Самал-3 шағынауданындағы тұрғын үй кешенін салу туралы болып отыр. Жергілікті тұрғындардың айтуынша, 31 қаңтарда таңертең 9.00 шамасында құрылысшылар биік темірмен қоршалған жерде қайтадан жер қаза бастаған. Қала тұрғындары аумаққа арнайы техника мен жүк көліктері кіргенін айтты.
Осыдан кейін шағынаудан тұрғындары наразылық білдіру үшін көшеге шықты. Олар плакат көтеріп, құрылыс алаңының қақпасына келді. Бұл жерден жүк көліктері шығады. Қала тұрғындары қалпына келтірілген құрылысқа қарсы шығуға тырысты.
Кейін сағат 13.00 шамасында әкімдік өкілі тұрғындар дабылынан кейін құрылыс уақытша тоқтатылғанын мәлімдеді.
"Самал-3 шағынауданындағы құрылыс тоқтатылды. Басталған жұмыстар тоқтатылды", - деді Алматы әкімі орынбасарының көмекшісі Мұхит Әзірбаев.
Алайда кейін жергілікті тұрғындар шенеуніктердің сөзі шын екенін тексеріп көрмек болған. Бірақ тұрғындар сағат 13.20-да учаскедегі жұмыстар әлі де жалғасып жатқанын айтты.
Сондай-ақ, жергілікті тұрғындар сағат 13.10-да полиция қызметкерлері келгенін мәлімдеді. Тәртіп сақшылары олардан рұқсат етілмеген митингтен аулақ болуын сұраған.
"Келген полиция құрылысты тоқтатпайды, бізді, тұрғындарды қуып жібереді. Олар митингті тоқтату керек екенін айтты. Бірақ бұл - жай ғана жергілікті тұрғындардың жиыны. Қандай митинг болуы мүмкін? Алдын ала ештеңе біліп, митинг туралы келіспедік", - деді тұрғындардың бірі Ғалия Садықова.
Былтыр күзде Бақытжан Сағынтаев осы мәселеге қатысты жауап берді. Сол кезде Алматы әкімі қала тұрғындарына жер комиссиясы осы даулы учаскені мемлекеттік мүлік үшін мәжбүрлі түрде иеліктен шығару жөнінде оң шешім шығарғанын айтты.
Еске салайық, былтыр жазда Сағынтаев құрылыс компаниясына қатысты жергілікті тұрғындардың мәселесіне өзі араласқан болатын. Сағынтаевтың тапсырмасы бойынша құрылыс нысаны бетонмен жабылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
