+7 (777) 001 44 99
Қазақша
Русский
English
Мәдениет және спорт министрі Арыстанбек Мұхамедиұлы Қазақстан үкіметінің басшысы Бақытжан Сағынтаевқа 2018 жылы Оңтүстік Кореяда өтетін қысқы Олимпиада ойындарында ел құрамасының жеңіске жететінін мәлімдеді, - деп хабарлайды Tengrinews.kz тілшісі.
Арыстанбек Мұхамедиұлы үкімет отырысы барысында Қазақстан құрамасының 2018 жылғы Олимпиада ойындарына қалай дайындалып жатқанын айтып берді.
"Медальдарға қатысты қандай болжам бар?", - деп сұрады премьер-министр Арыстанбек Мұхамедиұлынан.
"Бақытжан Әбдірұлы (Сағынтаев - автор.), (...) Жеңіс күтеміз", - деп жауап берді мәдениет және спорт министрі.
"Жақсы. Онда сізге біздің қатысушыларымыздың дайындығын сапалы түрде өткізу тапсырылады. Оларды медальдармен күтеміз, сіздерде басқа жол жоқ", - деді Бақытжан Сағынтаев.
